FeaturedIgbo News

Nwoke awakpo nwata nwaanyi afọ iri na isii n’Ogun

Abuse
Views

A ka na-ekwu na ọkụkọ manyere ọnụ, ọzọ achiri ụkwụ abụo wụnye. Achọpụtara na otu nwoke dị afọ iri atọ nke a na-akpọ Segun Olawoyin dinara nwagbọghọ dị afọ iri na isii mgbe nne na nna nwata a gara ụlọ ụka n’Ogun Steeti.

Ihe a mere na Fraide bụ ụbọchị iri abụọ na asatọ nke ọnwa Juun na Mapara Makogi nke dị na Obafemi-Owode Lokal Gọọment, n’Ogun Steeti. Ndi uwe ojii kwupụtara nke a na Sonde, ụbọchị iri atọ nke ọnwa Juun.

A chọpụtara na nwoke mere mpụ a bụ enyi ezinaụlọ nke nwata nwaanyị. Ọ bịara n’ụlọ nwata jụọ ese nne na nna ya; mgbe ọ chọpụtara na ha anọghị, ọ bakwuru nwata nwanyị n’ike.

N’ịchọ ụzọ ọ ga-esi zọpụta onwe ya, nwata nwanyi takasịrị nwoke a arụ n’ahụ.

Nwoke a bụ Segun gwara ndi uwe ojii na ọ maghị ihe bara ya n’ime mere o jiri kpaa ụdị agwa a. Ndi uwe ojii akpọrọla ya gawa ngalaba Anti-Human Trafficking and Child Labour ebe a ga-eme nchọcha ma nye ya ntaramahụhụ ruru ya.

Leave a Reply