Igbo News

Ntuliaka UN: Mohammad-Bande abụrụla onyeisi UNGA

Views

Na nzukọ ndi ‘United Nations’ nwere na ‘New York’ n’ụbọchị Tuzdee, a họputara Tijjani Muhammad-Bande dika onyeisi ‘United Nations General Assembly’ (UNGA). Muhammad-Bande bụ onye na-anọchi anya Naijiria na ‘United Nation’.

Ahmed Abubakar onye ntuziaka ‘National Intelligence Agency’ bụ onye nọ mgbe emere nhọpụta a. Ọ kọwara na nhọpụta a emere bụ maka nnukwu amamihe Muhammad nwere dika onye nnọchite anya gọọmenti. O kwukwara na mgbe emere nhọpụta a, ezigbo ọṅụ juputata ebe ahụ. Nke a ka o kwuru gosiri na Naijiria bụ obodo di ike n’ezie.

Otu di iche iche kwunyere nhọpụta a emere. Otu ndi gunyere ‘Economic Community of West African States (ECOWAS)’, ‘African Union (AU)’ na Afrika niile n’ihi ụdị amamihe nwoke a nwere. Nhọpụta a emere Mohammad-Bande bụ nnukwu ihe ọnụ nyere Naijiria na Afrika.

Leave a Reply